Velkomin
Um langt skeið höfum við, Edda Kristín og Greipur, komið að skipulagningu menningar- og listviðburða í Reykjavík, á Ísafirði og víðar á Íslandi og utan landsteinanna. Við höfum þekkst vel síðan árið 2000 og unnið saman og í sundur síðan.
Áskrift færir þér gæðamola
Tvisvar í hverjum mánuði berst áskrifendum bréf í tölvupósti með innsýn inn í menningarlíf líðandi stundar. Bréfin innihalda stutt meðmæli með viðburðum og sýningum valin af kostgæfni auk hugleiðinga um það sem er í deiglunni. Þeim fylgja svo gjarna hugmyndir um hvernig megi bæta hversdaginn, við kunnum að meta næs – þeim mun meira, þeim mun betra.
Fyrsta fréttabréfið barst áskrifendum í október 2019 og með mjög reglulegum hætti síðan.
Meðmælin ættu að henta öllum þeim sem vilja fylgjast örlítið betur með og vilja átta sig á framboðinu og velja það sem passar hverju sinni.
Í janúar 2020 birtist viðtal við Eddu og Greip í Morgunblaðinu. Þar segja þau frá tilurð meðmælabréfsins og ræða menningarlífið í Reykjavík og áhuga sinn á því. Viðtalið má lesa í heild hér.
Edda og Greipur eru líka á Instagram:
Fyrirvari, spurningar og svör
Fréttabréfið Edda og Greipur mæla með er óháð menningarstofnunum og viðburðahöldurum og innihald þess byggir alfarið á smekk, trú og þekkingu höfundanna.
Hvernig er greitt fyrir fréttabréfið, getur maður greitt með krónum?
Forritið Substack sem við notum býður því miður enn ekki upp á að nota íslenskar krónur. Því veljum við að selja áskriftir að fréttabréfinu fyrir evrur.
Til að kynnast forritinu betur og öðrum sem skrifa fréttabréf, smelltu á Substack.com.
Ég er áskrifandi en finn ekki molana í pósthólfinu mínu, hvers vegna ekki?
Athugið að þar sem þetta er póstlisti hýstur erlendis getur verið að póstþjónar áskrifenda flokki fréttabréfið sem „promotion“ eða jafnvel „junk“. Þetta má auðveldlega laga með því að útbúa síu sem hleypir fréttabréfinu í gegn.
Gefa áskrift
Hægt er að gefa vinum og ættingjum áskrift að Edda og Greipur mæla með með auðveldum hætti hér:
